என் யன்னல் நிலவே..!!!



என் யன்னல் நிலவே..
என்னவள் கனவில்
வருவாளென்று
நேற்றிரவு நேரத்துடன்
தூங்கிவிட்டேன்...
சூரியனிடம் சொல்லி
எனைச் சுட்டுவிடாதே...!

**************************************************


என் முற்றத்து மல்லிகையே...
அன்பானவளின்
அழகிய புன்னகைகண்டு
உனை நான் காணவில்லை
நாளை மலராமல் நின்று
எனை வாட்டிவிடாதே...!

**************************************************


என் இரவுக் காற்றே...
அவள் சுடிதார் பட்டு
சிதறிய கற்று என்
சுவாசக்காற்று ஆனதனால்
எனைத்தழுவும் இன்பக்காற்று நீ
எனை தவிக்கவிட்டுச் செல்லாதே...!

**************************************************


கூவுகின்ற குயிலே...
என் மயிலின் குரல்
வயலின் போன்றதுதான்
அதற்காய் உன்
தாலாட்டின்றிஎனை
தூங்கச்சொல்லாதே...!

**************************************************


பக்கத்துவீட்டு சுட்டியே...
அழகுப்பெண்மை அவளை நான்
பார்கபோகும் அவசரத்தில்
அழகுபொம்மை உனைநான்
பார்க்கத் தவறிவிட்டேன்
உன் பிஞ்சுமுத்தம் இல்லையென்று
எனை கொன்றுவிடாதே...!

**************************************************


என் குட்டிச்சுவரே...
பாவை போகும் இடம்தேடி
பாதம் நாட சென்றுவிட்டேன்
நாளைநான் அமரும்போது
இடிந்துவிடாதே...!

**************************************************


என் துடுப்புமட்டையே...
அவள் கண்வீசிய பந்துவீச்சில்
ஏற்கனவே நான் கிளீன்போல்ட்
கையில் உனை எடுக்கவில்லை
காரணம் கேட்காதே...
நாளைய போட்டியில் உன்
கோபத்தை காட்டாதே...!

**************************************************


என் கவிப்பேனாவே...
அவள் விழிகண்டு
பேசும் மொழிகண்டு
அவைதான் நல்ல கவியென்று
வியந்து நின்றேன் உனைவிட்டு
விலகிநின்றேன்.. தயவுசெய்து
கண்ணீரில் கவிதையெழுதி
எனை காயப்படுத்திவிடாதே...!

**************************************************



கடைசியாக...
என் அன்பு நண்பனே...
காதல் போதையில்
தடுமாறி விழுந்ததால்
நம் களியாட்ட போதையை
அருந்தாமல் விட்டுவிட்டேன்...
அதற்காக அடுத்த பார்டியில்
எனை அழைக்காமல்
விட்டுவிடாதே....!

**************************************************

நண்பர்களே இந்தப்பதிவு உங்களுக்கு பிடித்திருந்தால் உங்கள் கருத்துக்களையும் ஓட்டுக்களையும் வழங்க மறந்திடாதிங்க...!

நட்புடன்,
நா.நிரோஷ்.


Comments

  1. கவிஞர்.த.ரூபன்July 3, 2014 at 5:14 AM

    வணக்கம்
    படத்துக்கு ஏற்ப கவிதைகளை நன்றாக செதுக்கியுள்ளீர்கள் வாழ்த்துக்கள்
    -நன்றி-
    -அன்புடன்-
    -ரூபன்-

    ReplyDelete
  2. IniyaJuly 3, 2014 at 3:26 PM

    அருமை அருமை ! படமும் கவிதையும் தொடர வாழ்த்துக்கள் ....!

    ReplyDelete
  3. கவிஞர்.த.ரூபன்July 22, 2014 at 5:55 PM

    வணக்கம்


    இன்று தங்களின் வலைப்பூ வலைச்சரத்தில் அறிமுகமாகியுள்ளது வாழ்த்துக்கள்


    அறிமுகம்செய்தவர்-காவிகவி


    பார்வையிட முகவரி-வலைச்சரம்


    அறிமுகத்திகதி-23.07.2014

    -நன்றி-

    -அன்புடன்-

    -ரூபன்-

    ReplyDelete

Post a Comment

Popular posts from this blog

அன்பு நண்பனின் ஆத்மா சாந்தியடையட்டும்..!

Image
அக்கரைப்பற்று ஆலையடிவேம்பில் அமுதா எனும் அன்னை மடியில் அவதரித்த அமுதசுரபி துஷயந்தா நீ அனைவரையும் விட்டு போனதெங்கே சொல் நண்பா...? கண்களில் நீர்பொழிய கைகள் நடுநடுங்க இலக்கியம் தடுமாற இலக்கணம் தமிழ்மாற எப்படி கவிதைகள் எழுதமுடியும்...? உன்புகழ் எப்படி பாடமுடியும்...? நோயோடு வந்திருந்தால் நொந்திடோமே காலன் சாவெடுத்து போனானே நண்பா சாகின்ற வயதா உனக்கு சாதிக்கும் வயது சாந்தியாய் போனது ஏன் நண்பா...? அன்று முதல் இன்று வரை - என்றும் உன்முகம் வாடியதில்லை உன்னோடு பேசியவர் உள்ளம் - என்றும் துன்முகத்தை நாடியதில்லை - இன்று மூடிவைத்து உன்முகத்தை நாங்கள் கூடிவந்து கொண்டு செல்லும் கொடிய நிலை ஏன் நண்பா...? அன்னைக்கு ஒரேபிள்ளை அனைவருக்கும் செல்லப்பிள்ளை உனை விரும்பாதோர் யாருமில்லை வெறுப்போர் என்று எவருமில்லை கொடிய நோய்கொண்டு நீபோக குறையுண்டோ நாங்கள் சொல்ல - இனி நீயின்றி எங்கள் அணி எப்படி வெல்லும்...? அணியில் நீ அனைத்திலும் சிறந்தவன் ஆடுகளத்தில் நீ அதிரடி ஆட்டக்காரன் இடது கைகொண்டு எதிரணியை பந்தாடும் ஆட்டநாயகன் - ஓட்டங்கள் நீ குவித்து கிண்ணங்கள் பெற்ற வேட்டைநாயகன் விதியெனும் விளையாட்டில் விடையேதும் சொல்லாமல்
Read more

சிறுகதை என்றால் என்ன..? அது எவ்வாறு இருக்கவேண்டும்...?

Image
தொடக்க காலத்தில் உரைநடையானது பெரும்பாலும் செய்யுளுக்கு விளக்கம் சொல்வதற்காகவும், கல்வெட்டுச் செய்திகளுக்காகவும் மட்டுமே பயன்படுத்தப்பட்டு வந்தது. கி.பி.18 - ஆம் நூற்றாண்டில் உரைநடை புத்துயிர் பெற்றது. அதன் பின்னர்தான் நாவல், சிறுகதை போன்ற படைப்பிலக்கியங்கள் தோன்றின. மேலை நாடுகளின் போக்கை ஒட்டி உரைநடையை முதன்முதலாகப் படைப்பிலக்கியத்திற்குப் பயன்படுத்தியவர் வீரமாமுனிவர் ஆவார். இவருடைய பரமார்த்த குரு கதையே தமிழ் உரைநடையில் உருவான முதல் கதையாகும். இதனைத் தொடர்ந்தே சிறுகதைப் படைப்பிலக்கியங்கள் வளர்ச்சி பெற்றன. இன்று, சிறுகதையைப் படைக்கும் படைப்பாளர்களின் எண்ணிக்கை பெருகியுள்ளது. சிறுகதையைப் படிக்கும் வாசகர்களின் எண்ணிக்கையும் பெருகி உள்ளது. இது, சிறுகதைப் படைப்பிலக்கியத்தின் வளர்ச்சியைக் காட்டுகிறது. இப்பாடத்தில் படைப்பிலக்கியமும் சிறுகதையும் எனும் தலைப்பில், அவை பற்றிய செய்திகள் தொகுத்துக் கூறப்பட்டுள்ளன. படைப்பிலக்கியமும் சிறுகதையும் செய்யுளும், சிறுகதையும் படைப்பிலக்கியங்களாக விளங்கிய போதிலும், இவற்றை ஒன்றெனக் கூறிவிட முடியாது. இரண்டிற்குமிடையே வேறுபாடுகள் உண்டு. இவ் இரண்டும் வெவ்வேறு க
Read more

காப்பியங்கள் என்றால் என்ன....? ஒரு அறிமுகம்.

Image
இலக்கிய உலகில் காப்பியம் ஒரு தனி இடத்தைப் பெற்றுள்ளது. இதனைச் செவ்விலக்கிய வகையில் (Classical Literature) அடக்குவர். இலக்கிய வளம் நிறைந்த பழமையான மொழிகளில் முதல் இலக்கியம் காப்பியமாக அமைவதைக் காணலாம். இந்த நிலை தமிழுக்கு இருக்கிறதா? என்றால், இல்லை என்றே சொல்ல வேண்டும். இதனால் மட்டுமே தமிழ் பழமையான செம்மொழி அன்று என்று கூறிவிட முடியாது. இங்குக் கர் என்பார் கூற்று நினைத்தற்கு உரியது. அவர் “வீரயுகத்தில் காப்பியம் மட்டுமே எழ வேண்டும் என்ற நியதி இல்லை. பல மொழிகளில் ஹோமரின் இலியத், ஒதீசி போன்ற காவியங்களுக்குப் பதிலாக, கதை எதுவும் இன்றித் தங்கள் தங்கள் நாட்டுச் சிற்றரசர்களையும் தலைவர்களையும் பாராட்டிப் பாடும் பாடல்கள் எழுந்துள்ளன” என்கிறார். சங்க இலக்கியமான புறநானூறும், பதிற்றுப்பத்தும் பத்துப்பாட்டில் பல பாடல்களும் இத்தகைய வீரயுகப் பாடல்கள்தாம். சீன மொழியிலும் இத்தகைய உதிரிப் பாடல்களே வீரயுகத்தில் எழுந்துள்ளன. தமிழ் இலக்கிய வரலாற்றில் வீரயுகத்தை அடுத்துத்தான் காப்பியக் காலம் தொடங்குகிறது. இக்காப்பிய எழுச்சிக்கு வித்திட்டவர் இளங்கோ அடிகள் ஆவார். சிலப்பதிகாரத்திற்கு முன் பல காப்பியங்கள் எழுந்த
Read more